మన నేలలు పోషకాలను గ్రహించే శక్తిని కోల్పోతున్నాయి. విచ్చలవిడి రసాయనాల వాడకంతో నేలలకు పట్టిన దుర్గతి ఇది. రసాయనాలతో నేలలోని పంటకు మేలు చేసే సూక్ష్మజీవులు నశించడంతో వాటిని పంటలకు లభ్యమయ్యే రూపంలోకి తీసుకురాలేకపోతున్నాయి. ఫలితంగా నిస్సారమైన నేలల్లో పండించిన పంట ఇలా పోషకాలు లేకుండా ఉత్పత్తవుతోంది. ఇందుకు భూమిలో సేంద్రియ కర్భనాన్ని గణనీయంగా పెంచేందుకు సేంద్రియ, సహజ వ్యవసాయ విధానాల ఆచరణతో పాటు పలు పరిష్కారాలను సూచించిన వ్యాసాన్ని ఈ రోజు ఈనాడు ప్రచురించింది.
ఖరీఫ్ సీజన్ ఆరంభమైంది. అన్ని రకాల ధరలూ పెరిగాయి. కరోనా రెండో దశ ఇంకా సమసిపోలేదు. మూడో దశ భయాలు వెంటాడుతున్నాయి. ఈ తరుణంలో సాగు ప్రతి దశలో రైతులు ఖర్చు తగ్గించుకునే చర్యలను చేపట్టడం అత్యంత అవశ్యం. ముఖ్యంగా డిఏపి మినహాఎరువుల ధరల దాదాపు రెట్టింపయిన నేపథ్యంలో రైతులు ఇష్టానుసారం ఎరువులు వాడకుండా సిఫారసు మేరకు చల్లడంతో పాటు సేంద్రియ వ్యవసాయ విధానాలను ఆచరించి ఖర్చు తగ్గించుకోగలిగితేనే మిగులుబాటు ఉంటుందంటూ నేను రాసిన వ్యాసం " అన్నదాత" మాసపత్రిక జూన్ 2021 సంచికలో ప్రచురితమైంది.
అన్నదాత మాసపత్రిక జూన్ 2021. కవర్ పేజీ, సంపాదకీయం.
పెట్రో, ఎరువుల ధరలు గణనీయంగా పెరగడంతో ఖరీఫ్ ముంగిట రైతులకు పెనుభారం కానుంది. అధిక ఎరువుల వాడకాన్ని రైతులు తగ్గించుకోవడంతో పాటు సాగు వ్యయాలను దృష్టిలో పెట్టుకుని కేంద్రం మద్దతు ధరాలను పెంచాల్సిన అవసరం ఉందంటూ నేను రాసిన వ్యాసాన్ని ఈ రోజు ఈనాడు ప్రచురించింది.
రీసర్క్యులేటింగ్ ఆక్వా సిస్టమ్ (ఆర్.ఎ.ఎస్) పద్ధతిని ఆచరించి పలువురు రైతులు చేపల పెంపకంలో ఆశించిన లాభాలను పొందలేకపోయారు. ఇజ్రాయెల్, జర్మనీ, చైనా తదితర దేశాల్లో విస్తృత ప్రాచుర్యం పొందిన ఈ పద్ధతి అధిక ఖర్చుతో కూడినదవడం, సాంకేతికతను సక్రమంగా అర్ధం చేసుకోలేకపోవడం, లోపభూయిష్టమైన నిర్వహణ విధానాలను అనుసరించడం వల్లనే రైతులు నష్టపోతున్నారు. సంప్రదాయ పద్ధతుల కంటే ఈ పద్ధతిలో చేపల పెంపకాన్ని సక్రమంగా చేపడితే భారీ లాభాలు పొందవచ్చంటూ నేను రాసిన వ్యాసాన్ని అన్నదాత మే 2021 సంచిక ప్రచురించింది.
అన్నదాత మే 2021 సంచిక కవర్ పేజి, సంపాదకీయం.
సేద్యంలో పెరుగుతున్న పెట్టుబడులు రైతుల లాభాలను హరించి వేస్తున్నాయి. విస్తరణ సేవలు అందని నేపధ్యంలో సాగు ప్రతి దశలో ఖర్చులు తగ్గించుకోవడమే రైతుల ముందున్న ప్రత్యామ్నాయం అంటూ నేను రాసిన వ్యాసాన్ని. ఈనాడు ఈ రోజు ప్రచురించింది.
